D’fhógair Údarás Craolacháin na hÉireann (BAI) inniu (an 2 Feabhra) leithdháileadh maoinithe do 2016 faoi dhá príomhthionscnamh – a Chlár um Fhoghlaim agus Forbairt Earnála agus a Scéim Urraíochta. Tá maoiniú €406,000 ceadaithe ag an Údarás le haghaidh réimse tionscnamh oiliúna agus forbartha agus bainfidh 22 imeacht agus gníomhaíocht tairbhe as maoiniú €130,000 faoin Scéim Urraíochta.
Ar na 12 líonra a bhainfidh tairbhe as an maoiniú faoin gClár um Fhoghlaim agus Forbairt Earnála tá CRAOL (comhlacht ionadaíoch raidió pobail); Learning Waves (eagraíocht iondadaíoch do chraoltóirí raidió tráchtála); Community Television Association; Léiritheoirí Scáileán na hÉireann; Women on Air; agus Ceardchumann Náisiúnta na nIriseoirí. I measc na dtionscnamh eile um Fhoghlaim agus Forbairt Earnála atá ann do 2016 beidh an Scéim Tacaíochta do Chraolachán Pobail, Scéim Maoiniúcháin i leith Taighde ar na Meáin agus imeachtaí a bhaineann le tionscail.
Tá Scéim Urraíochta á feidhmiú ag an BAI ar feadh roinnt blianta trína dtugtar tacaíocht airgeadais agus tacaíocht chomhchineáil do réimse imeachtaí agus gníomhaíochtaí a bhíonn ar siúl in aon bhliain ar leith. Fuarthas 36 iarratas san iomlán ar thacaíocht i gcomhair na bliana 2016 faoin Scéim. Ar an 22 iarratas ar éirigh leo bhí féilte teilifíse, raidió agus scannán, searmanais dámhachtainí, iriseoireacht iniúchach agus imeachtaí Gaeilge.
Ag trácht dó ar an maoiniú a fógraíodh inniu, dúirt príomhfheidhmeannach an BAI, Michael O’Keeffe: “Meastar gur príomhghníomhaíocht í an urraíocht a ardaíonn próifíl an BAI agus a mhéadaíonn feasacht faoina chuspóirí straitéiseacha, chomh maith le spreagadh a thabhairt d’fhás agus d’fhorbairt leanúnach na hearnála closamhairc in Éirinn.
“Ceann de na scéimeanna nuálacha agus rathúla ar tugadh tacaíocht dóibh an bhliain seo caite faoin gClár um Fhoghlaim agus Forbairt Earnála bhí ‘Scéalta Móra don Scáileán Beag (Big Stories for the Small Screen)’, tionscnamh oiliúna a bhí dírithe ar scileanna a fhorbairt in Éirinn ó thaobh drámaí fadfhoirme ardchaighdeán a chruthú don scáileán. Tá sé maoinithe ag an BAI agus ag Screen Training Ireland agus thug réimse chraoltóirí agus eagraíochtaí gairmiúla tacaíocht dó. D’éirigh thar cionn leis an gcéad mhodúl a reáchtáladh i mBaile Átha Cliath i mí na Samhna 2015, agus cúis áthais dúinn a bheith in ann maoiniú breise a dhámhadh ar an dara modúl in 2016.”
“Faoi mar a tharlaíonn i mbeagnach gach clár tacaíochta atá á fheidhmiú ag an BAI, fuarthas i bhfad níos mó iarratas ar Urraíocht agus ar Fhoghlaim agus Forbairt Earnála ná an maoiniú atá ar fáil. Tá a fhios agam go bhfuil díomá ar roinnt iarratasóirí an uair seo. Mar sin féin, tá mé an-sásta go raibh sé ar ár gcumas tacú le líon mór iarratasóirí faoin dá scéim, rud a chabhróidh chun cur leis an gcáil náisiúnta agus idirnáisiúnta atá ar chraoltóirí raidió agus teilifíse agus ar lucht déanta scannán agus clár na hÉireann”, a dúirt an tUasal O’Keeffe.
CRÍOCH
Nóta d’Eagarthóirí
Liosta na nDreamanna a fuair Maoiniú um Fhoghlaim agus Forbairt Earnála
Maoiniú Líonra
| CRAOL – The Community Radio Forum |
| Learning Waves |
| Community Television Association (CTA) |
| Creative Europe Desk Ireland (CEDI) |
| Irish Hospital Radio Network |
| Screen Producers Ireland (SPI) |
| Women on Air |
| Screen Directors Guild Ireland (SDGI) |
| National Union of Journalists (NUJ) |
| Women in Film and Television |
| Animation Skillnets |
| Creative Europe Desk Galway |
Gníomhaíochtaí Forbartha agus Foghlama eile
| Media Research Funding Scheme |
| Community Broadcasting Support Scheme |
| Innovation Scheme: Big Stories |
| Innovation Scheme: Red Rock Training Programme |
| Skills Strategy for the Audiovisual sector |
| Industry-related events |
| Temporary Services T&D Scheme |
Liosta na nDreamanna ar Tugadh Maoiniú Urraíochta Dóibh
| Sounds Alive 2016 |
| Tweakle |
| Hearsav lnternational Audio Fest |
| PPI Radio Awards 2016 |
| Comórtas Náisiúnta Ghlór na nGael |
| Seachtain na Gaeilge |
| Cork Film Festival 2016 |
| Radharc Trust |
| Age & Opportunity |
| Film in Cork |
| Gaze Film Festival |
| Guth Gafa Documantary Festival |
| Mary Raftery Fund |
| Animation Dingle |
| Dublin International Film Festival Screentest Event |
| Irish Film Institute Documentary Festival |
| Galway Film Centre |
| Galway Film Fleadh |
| Celtic Media Festival |
| Archiving Tomorrow 2016 – Archives at Risk |
| Clearun Media Conference |
| IFTA awards |