Dréachtbheartas Meán Pobail BAI

D’fhoilsigh an BAI Plean Gníomhaíochta um na Meáin Phobail (“an Plean”) sa Mhárta 2019, a  forbraíodh tar éis comhairliúchán a dhéanamh le earnálacha raidió agus teilifís pobail le linn 2018. Rinneadh an Plean a fhorbairt i gcomhthéacs Príomhtháirgí Insoláthartha an BAI sa Ráiteas Straitéise 2017-2019 faoi Inbhuanaitheacht Earnála a Fheabhsú agus Rannpháirtíocht an Phobail sna Meáin Shóisialta a Mhéadú. Bhí naoi ngníomh sa phlean a chuimsigh raon gníomhaíochtaí agus tugtar achoimre ar an seasamh i ndáil le gach gníomh anseo.

Rinne an tÚdarás gníomh breise a fhaomhadh faoin bplean sa Bhealtaine 2020, a raibh i gceist leis athbhreithniú a choimisiúnú ar an struchtúr beartas reatha ar chraoladh pobail. Tháinig sé seo aníos i gcomhthéacs an creat sainmhínithe nua do shochar sóisialta a forbraíodh faoi Ghníomh a hAon den Phlean agus na dúshláin atá roimh an earnáil go háirithe agus í ag iarraidh déileáil leis an bpaindéim

Ceapadh Comharchumann Taighde Nexus i samhradh na bliana 2020 chun tabhairt faoi athbhreithniú agus tá an dréachtthuarascáil  a tháinig as “Beartas Meáin Pobail agus Rialúchán don Todhchaí” (An Tuarascáil) foilsithe. Scrúdaíonn an Tuarascáil staid reatha na meáin phobail in Éirinn agus déanann sé iniúchadh ar dheiseanna chun earnáil meáin phobail a bheadh níos inbhuanaithe a fhorbairt. Ina theannta sin, cuimsíonn an Tuarascáil Dreachtbheartas Meáin Phobail a forbraíodh tar éis dul i gcomhairle leis an earnáil agus léiríonn sé struchtúr bheartas an BAI ar Raidió Pobail mar atá faoi láthair.

Nuair a bhí an Tuarascáil curtha isteach, rinne an BAI an Tuarascáil agus an dréacht bheartas a mheas.  Thug an BAI ábhair na Tuarascála ar aird agus bhreathnaigh siad air mar cháipéis úsáideach chun bonn eolais a chur faoi phléite amach anseo faoi fhorbairt na hearnála.

Shocraigh an BAI gur chuir an dréacht bheartas bonn úsáideach ar fáil chun dréacht bheartas Meáin Phobail de chuid an BAI a fhorbairt a thiocfadh in ionad an Bheartais Raidió Pobail atá ann faoi láthair agus nár tháinig ach athrú fánach air ó  1997. Tá an cháipéis seo curtha i láthair in Aguisín 1 agus léiríonn sé beartas, cleachtas agus taithí an BAI maidir le rialúchán na seirbhísí meáin phobail. Rinneadh athstruchtúrú ar chodanna chun béim níos mó a chur ar ábhar meáin phobail agus ar an tábhacht a bhaineann le próisis láidre rialachais. Tá an BAI ag lorg tuairimí ar an dréacht seo leis an aidhm bonn eolais a chur faoi Bheartas Deiridh an BAI ar Mheáin Pobail a dhéanfar a fhoilsiú níos deireanaí i mbliana.

• Dréachtbheartas Meán Pobail BAI
• Nuashonrú ar Phlean Gníomhaíochta na Meán Pobail
• Community Media Policy and Regulation for the Future (Béarla)
• Is féidir tuilleadh sonraí faoin gCreat Sochair Shóisialta a fháil anseo