Foghlaim agus Forbairt Earnála

Tá béim straitéiseach á leagan ag an BAI le fada ar thacú leis an earnáil chraolacháin trí ghníomhaíochtaí foghlama agus forbartha.  Ainneoin nach seachadann an BAI gníomhaíochtaí oiliúna agus forbartha, tá cur chuige inbhuanaithe forbartha aige atá dírithe ar líonraí tionscail ábhartha a fhorbairt agus tacú leo agus ar oibriú na scéimeanna maoinithe, cur chuige as a n-eascraíonn tionscnaimh oiriúnacha agus ábhartha oiliúna agus forbartha dá chomhaltaí.  Chuir an cur chuige seo ar chumas an BAI cur le agus tacú le cultúr foghlama agus forbartha laistigh den tionscal.

Cabhraíonn infheistíocht i bhfoghlaim agus i bhforbairt le craoltóirí freagairt do leasa agus do riachtanais lucht éisteachta agus lucht féachana na hÉireann.

Soláthraíonn an Beartas um Fhoghlaim agus Forbairt Earnála an creat a chuireann ar chumas an BAI pleanáil straitéiseach a dhéanamh, tacú leis an bhfás leanúnach san earnáil chraolacháin agus an fás sin a thomhas agus a mheas, trí raon gníomhaíochtaí agus cur chuige oiliúna, foghlama agus forbartha laistigh dá théarmaí tagartha reachtúla agus straitéiseacha.

Le haghaidh tuilleadh faisnéise faoi chistiú le haghaidh Forbairt Earnála, seol ríomphost chuig an bhfoireann um Fhorbairt Earnála ag secdev@bai.ie

Gach bliain soláthraíonn an BAI maoiniú do roinnt líonraí tionscail roghnaithe chun tacú le gníomhaíochtaí éagsúla foghlama agus forbartha. Seo a leanas an liosta reatha tionscnamh líonra a bhfuil tacaíocht á fáil acu:

• CRAOL – Fóram Raidió Pobail
• An Cumann Teilifíse Pobail (CTA)
• Learning Waves
• Cumann Léiritheoirí Raidió Neamhspleácha na hÉireann (AIRPI)
• Deasc na hÉireann um Eoraip na Cruthaitheachta
• Léiritheoirí Scáileáin na hÉireann (SPI)
• Líonra Raidió Ospidéil na hÉireann (IHRN)
• Gild Léiritheoirí Scáileáin na hÉireann (SDGI)
• Mná ar an Raidió
• Cogar
• Animation Skillnet
• National Union of Journalists
• Women in Film and Television

Tairgeann an Scéim Tacaíochta don Chraolachán Pobail le craoltóirí raidió agus teilifíse pobail athbhreithnithe a dhéanamh a chabhraíonn le forbairt eagraíochtúil a stáisiún.

Dhámh an tÚdarás cistiú iomlán is fiú €21,610 faoi Scéim 2017.

Soláthraíonn an Scéim seo maoiniú do thionscadail taighde gearrthréimhseacha bunaithe ar théamaí a roghnaíonn an BAI.

Tá an BAI agus Bord Scannán na hÉireann ag obair le chéile chun straitéis náisiúnta d’fhorbairt agus d’oiliúint scileanna a dhearadh laistigh den tionscal closamhairc chun fás leanúnach agus feabhas a chinntiú. Chomh maith leis sin, tá sé mar aidhm acu soláthar cúrsaí tríú leibhéal a bhaineann le léiriúchán agus an idirghníomhaíocht idir na cúrsaí seo agus an tionscal a shoiléiriú. I measc na bpríomh-shaincheisteanna eile a áirítear sa straitéis beidh na treochtaí atá sa tionscal faoi láthair agus a bheidh sa tionscal amach anseo a mbeidh tionchar acu ar scileanna an lucht oibre agus an cumas dlús a chur faoi acmhainn agus scála laistigh den tionscal.    Tá an obair seo ar siúl ar bhonn leanúnach.

Soláthraítear treoir sa lámhleabhar (Béarla) seo do líonraí tionscail maidir le raon ábhar cosúil le rialachas, freagrachtaí airgeadais, agus cruinnithe boird éifeachtacha a reáchtáil.   Chomh maith leis sin, tá raon nasc le láithreáin ghreásáin ann, sonraí teagmhála agus téacsanna molta le cabhrú le húsáideoirí.

Soláthraíonn an Scéim seo maoiniú do ghníomhaíochtaí oiliúna, forbartha agus/nó measúnachta. Is é €500 an uasmhéid a sholáthraítear do gach stáisiún. Féadfaidh stáisiún iarratas a dhéanamh ar mhaoiniú do ghníomhaíochtaí a bhfuil sé mar aidhm leo tacú le gníomhaíochtaí oiliúna reatha nó d’fhéadfaí an maoiniú a úsáid chun measúnacht a dhéanamh ar ghníomhaíochtaí oiliúna, forbartha agus / nó measúnachta reatha an stáisiúin, nó gníomhaíochtaí a cuireadh i gcrích roimhe seo.

Chomh maith leis sin, táimid ag tacú le roinnt tionscadal eile lena n-áirítear:

• Is dianchlár ceardlainne é Big Stories a bhfuil sé mar aidhm leis scileanna drámaíochta fadfhoirme a fhorbairt, clár atá dírithe ar scríbhneoirí scáileáin, stiúrthóirí agus léiritheoirí.
• Is tionscadal píolótach é an clár in oiliúint léiriúcháin teilifíse atá dírithe ar phríomhscileanna léiriúcháin a roinnt le hiontrálaithe nua ar chúrsa i léiriúchán teilifíse trí fhoghlaim sa seomra ranga agus ar an seit / ag an suíomh ar sheit shobaldráma TV3, Red Rock.