Téacs Láithreáin Ghréasáin le haghaidh Aistrithe thíos:

Má tá breathnóir nó éisteoir míshásta le hábhar craolacháin ón seirbhís sin, ba cheart dóibh gearán a chur díreach chuig an gcraoltóir ábhartha ar an gcéad dul síos. Is féidir gearáin a dhéanamh leis na craoltóirí faoi aon cheann de na catagóirí seo a leanas:

• Oibiachtúlacht & neamhchlaontacht sa nuacht;
• Cothroime, oibiachtúlacht & neamhchlaontacht i gcúrsaí reatha;
• Aon ábhar más réasúnta é a mheas mar chúis díobhála nó tarcaisne, nó aon ábhar ar dhócha go ndéanfaí coireacht a chur chun cinn nó a ghríosú mar gheall air nó a dhéanfadh údarás an Stáit a lagú.
• Ábhar díobhálach nó tarcaisne, go háirithe, ní mór ábhar clár maidir le léiriú foréigin agus iompair chollaí a chur i láthair faoi réir ag íogaireacht chuí i leith áitiúis nó bhraistintí an lucht féachana agus faoi réir ag urraim chuí do thionchar chlárú dá leithéid ar fhorbairt fhisiciúil, mheabhrach agus mhorálta leanaí.
• Príobháideachas duine aonair;
• Cód Caighdeán Clár
• Cód Ginearálta maidir le Cumarsáidí Tráchtála
• Cód maidir le Cumarsáidí Tráchtála do Leanaí
• Rialacha Fógraíochta agus Teilishiopadóireachta (Teorainneacha in aghaidh an Lae agus in aghaidh na hUaire)

Conas gearán a dhéanamh

Ní mór gach gearán a dhéantar faoi aon cheann de na catagóirí thuas a dhéanamh de réir na nósanna imeachta atá sonraithe sa Chód Cleachtais um Láimhseáil Gearán arna fhoilsiú ar láithreán gréasáin an chraoltóra ábhartha. Is féidir tuilleadh faisnéise maidir leis na nósanna imeachta gearán a aimsiú i dTreoir ÚCÉ d’Éisteoirí agus do Bhreathnóirí maidir le Próiseas na nGearán agus Údarás Craolacháin na hÉireann.

Íoslódáil Treoir Údarás Craolacháin na hÉireann d’Éisteoirí agus do Bhreathnóirí maidir le Próiseas na nGearán

Íoslódáil Foirm nGearán

Íoslódáil liosta ina bhfuil rannán gearán láithreán gréasáin gach craoltóra mionsonraithe